اسلام آباد : اسٹیٹ بینک آف پاکستان کی جانب سے کی جانے والی شرحِ سود میں حالیہ کمی کو سراہتے ہوۓ ایٹین ہاؤسنگ سوسائٹی کے چیف ایگزیکٹو آفیسر طارق حامدی کا کہنا ہے کہ اس فیصلے سے رئیل اسٹیٹ مارکیٹ مین تیزی آۓ گی۔
حال ہی میں اسٹیٹ بینک آف پاکستان نے مانیٹی پالیسی کے اعلان کے ساتھ ہزار پوائنٹ کی کمی کے ساتھ شرحِ سود کو بارہ فیصد مقرر کیا ہے۔
میڈیا کو جاری کیے گئے ایک بیان میں طارق حامدی نے امید ظاہر کی ہے کہ حکومت کی اس فیصلے سے سرمایہ کاری میں بہتری آۓ گی اور انفرادی اور کاروباری سطح پر لوگ بینکوں مین پیسہ رکھنے کی بجاۓ رئیل اسٹیٹ کاروبار میں سرمایہ کاری کو فوقیت دینگے جو کہ بلاشبہ ایک منافع بخش ہوگا۔
گزشتہ سالوں میں بہت زیادہ حد تک پالیسی ریٹ میں اضافے پر تنقید کرتے ہوۓ طارق حامدی نے کہا کہ شرح سود میں مسلسل اضافے سے نا صرف کاروباری سرگرمی متاثر ہوئی بلکہ ملکی معیشت کو بھی نقصان پہنچا۔ تا ہم اب دیگر شعبون کے ساتھ ساتھ پراپرٹی کو کاروبار میں بھی لوگون کا اعتماد بحال ہوگا جس سے معاشی نمو میں اضافہ متوقع ہے۔